DARAJANI TANZANITE DAR ESALAAM

kessyngocho.blogspot.comWaziri amvaa vikali Askofu Gwajima “Ananivurugia Wizara, majeshi yote akamatwe” (Video+)

Edwin TZA · 2 hours ago

Waziri wa Afya, Maendeleo ya Jamii, Jinsia, Wazee na Watoto Dr. Doroth Gwajimaameliagiza Jeshi la Polisi na Taasisi ya kuzuia na kupambana na Rushwa ( TAKUKURU) kumkamata na kumhoji Mbunge wa Kawe Askofu Josephat Gwajima ili athibitishe kauli anazozitoa dhidi ya Serikali na Viongozi kuhusu chanjo ya Covid-19.

Dr. Gwajima ametoa agizo hilo leo Jumanne Agosti 17, 2021 katika kijiji cha Kyatunge Butiama na kusema Askofu Gwajimaamekuwa akitoa taarifa za kupotosha kwa makusudi jambo linaloivuruga Wizara yake na Serikali katika mapambano dhidi ya ugonjwa huo.

“Gwajima ni ndugu yangu, ni shemeji yangu kabisa, lakini mimi ni waziri nimekula kiapo cha kutumikia nchi yangu sio kumtumikia shemeji yangu. Mimi ndiye msemaji wa masuala ya afya nchini, nimechoka kuvuruguwa, naagiza Majeshi yote Polisi, TAKUKURU akamatwe popote alipo ahojiwe juu ya haya madai yake na hatua zichukuliwe” Waziri Gwajima

Ayo TV & Millardayo.com imekusogezea video ushuhudie kauli ya Waziri wa Afya akiagiza Askofu Gwajima akamatwe.

 

“ASKOFU GWAJIMA AKAMATWE, AHOJIWE ANAPOTOSHA” WAZIRI GWAJIMA